Kwa mujibu wa ripoti ya Shirika la Habari la Hawza, Ayatullah A‘arafi, Mkurugenzi wa Hawza Iran, katika kikao chake na wanafunzi na walimu wa Kiirani wanaoishi katika Hawza ya Najaf, kilichofanyika katika jengo la Miftah, Najaf Ashraf, ndani ya Husseiniya ya Imam Ridha (a), na kwa kuhudhuriwa na Ayatullah Husseini, mwakilishi wa Kiongozi Mkuu wa Mapinduzi ya Kiislamu nchini Iraq, Hujjatul-Islam wal-Muslimin Sayyid Alaa Hashemi Shahroudi, Balozi Mdogo wa Jamhuri ya Kiislamu, pamoja na kundi la viongozi wa Hawza, wanafunzi na walimu wa Kiirani — baada ya kutoa shukrani kwa waandaaji wa mkutano huo, mwakilishi wa Kiongozi Mkuu wa Mapinduzi, Balozi Mdogo na wanafunzi — alisisitiza kuwa mzigo mzito wa masomo, ufundishaji na jitihada za kidawah kwa kiasi fulani hubebwa na familia, na hivyo wanastahili kushukuriwa na kuthaminiwa.
Kisha akaelezea nafasi ya kihistoria ya Najaf katika mwendelezo wa historia ya Hawza za elimu na kusema: Najaf imekuwa “kitovu ang’avu na chimbuko la athari kubwa” katika historia ya Uislamu na Ushia.
Mkurugenzi wa Hawza za Elimu za Kiislamu alitaja siku za kuanzishwa kwa Chuo Kikuu cha Al-Mustafa kuwa ni hatua iliyoonesha wazi kwamba Hawza ina uwezo wa kipekee kabisa wa kusambaza mafundisho ya Ahlul-Bayt (a), na akaichukulia turathi hiyo ya kihistoria kuwa ni sehemu isiyoweza kutenganishwa na jalada la Hawza za elimu; turathi ambayo ikiondolewa, mizani na jengo la elimu za dini litaporomoka.
Hawza; taasisi hai, endelevu na isiyokatika
Ayatullah A‘arafi aligeuza kurasa za historia ya Hawza ya zaidi ya miaka elfu moja, na akaeleza mambo kadhaa yanayoonesha uhai na muendelezo wa taasisi ya Hawza. Akinukuu mtazamo wa Shahid Mutahhari kuhusu mfululizo wa mfumo wa ualimu na ujifunzaji, alisema: Hawza ni mnyororo usiokatika; unaanzia kwa Sheikh Tusi hadi zama za sasa, na hata kama vituo vimehamia kutoka Rayy, Qom, Baghdad na Hilla kwenda Isfahan, Mashhad na Najaf, vyote kwa pamoja vinaunda historia moja iliyounganika na mnyororo wa nuru.
Mkurugenzi wa Hawza za Elimu za Kiislamu aliongeza kuwa: Katika historia yote, Hawza imekuwa daima katika mwingiliano na miundo ya mamlaka, na mwingiliano huu katika baadhi ya vipindi umeleta ustawi, na katika baadhi ya vipindi umeleta kuporomoka. Kwa sababu hiyo, kuzijua nguvu na udhaifu wa kihistoria ni jambo la lazima kwa kizazi cha vijana wa wanazuoni.
Haja ya kuwepo uwiano kati ya fiqhi ya jadi na fiqhi ya kisasa
Ayatullah A‘arafi kwa mara nyingine alisisitiza jambo muhimu linalorudiwa mara kwa mara: Hawza inahitaji kulinda fiqhi ya jadi na wakati huo huo kupanua mijadala ya fiqhi ya kisasa, kuilinganisha na sheria za kisasa, na kujibu mahitaji ya dola na jamii. Alikumbusha kuwa: Lengo hili haliwezi kufikiwa isipokuwa kwa kuwa na mipango thabiti, kutenga rasilimali, na malezi ya kitaalamu.
Maoni yako